بعد اخر ديس للجوكر ( المراجعة النهائية ) اختفى ابيوسف فترة من على السوشيال ميديا و مسح كل صوره من على إنستجرام
ابيوسف رجع بعدها بفترة بس بإسم ( عمرو ديابلو ) اغلب الفانز افتكرته اسم لشخصية جديدة بس احنا سمعناه قبل كدا في تراك ( خنزؤور ) في اول التراك مع لقاء ( عمرو ) دياب و في بار ( اسمي إبليس بس انتي تقوليلي ديابلو )
حالياً دا اول ظهور صريح لشخصية ( ديابلو ) و ديابلو كلمة اسبانية ترجمتها إبليس او شيطان و من الستوريز اللي ابيوسف نشرها بشخصية عمرو ديابلو عرفنا ان عمرو عنيف و حاقد على كل حد مبسوط او ناجح ف بيسعى انه يزعل المبسوط و يفشل الناجح، عرفنا ان عمرو لو رحم اللي تحت ايده بيرحمه عشان لما ييجي يكمل عليه يلاقي حاجة يكسرها تاني عرفنا ان عمرو بيحب الاذى.
