ملك الراب التافه
يوسف محمد الطاي ابن اسكندرية الي اتولد فيها بس عاش اغلب حياته في الزمالك بدأت علاقته مع المزيكا في 2003 كان بيلعب ميتال music لعب solo و لعب مع كذا باند منهم باند (idle mind) مع أواخر 2008 و بداية 2009 قرر "يوسف"ان هو يدخل الراب سين و نزل اول تراك ليه بأسم (مريم) و هو قال كذا مرة ان اكتر حاجه خلته يفكر يدخل السين تراكات "الواي كرو" و حتي كان سايب كومنت علي تراك (قوم فكر) كاتب فيه ان هو بدأ يراب بسبب التراك ده المهم نزل كام تراك بعد تراك مريم و كل ده طبعا كان بينزل علي soundcloud مكنش فيه يوتيوب او كان فيه بس محدش في مصر كان مهتم بيه غاب ابيوسف في نص 2009 ورجع تاني في 2010 و قال ان الغياب ده بسبب ان هو كان بيتعالج من الإدمان و نزل تراك سلبي اول تراك بعد تعافيه من الإدمان الفترة دي في السين مكنش فيها اي إمكانيات ولا تسجيل ولا انتاج يعني "ابيوسف" مسجل اكتر من 300 تراك جوا الدولاب انت متخيل ايوه الquality مكنتش احسن حاجة بس في الوقت ده كانت التراكات دي عظمة جدا و بردو مكنش فيه مكسب مادي محترم ممكن الواحد يعيش منه عشان كدة في ناس كتير في الفترة دي قررت تعتزل الراب و تشتغل شغل يجبله فلوس احسن ابيوسف في الفترة دي كان شغال في مجال الاعلانات فعرف يشغل نفسه يبدأ يعرض شغله علي شركات الاعلانات عشان يبدأ يتعرف و فعلا عمل اكتر من اعلان في فترة الراب سين مش هقولك underground لاء ده الي كانوا بيسمعوا راب ميعدوش ال5الاف
ننقل بقي لمرحلة تانية في حياة ابيوسف
أبيوسف و البيفات
"ابيو" دخل في اكتر من بيف مع (حمورابي/عفريت /دراجون هيل /ارسينيك/مروان موسى و عفروتو و الجوكر )
1 - بيف حمورابي
نزل "ابيو" بوست ان في دس هينزل علي رابر عايش في فرنسا و كتب في الاخر من قلب مملكة فرنسا بعد كدة نزل اول دس باسم (ميرسي 3) بعد كدة "ابيو" زهق من تأخر رد "حمو" فنزل تاني دس باسم (مليار) سبب تاخر "حمو" انو كان عايز يرد بفيديو كليب مش mp3 زي "ابيو" بعد كدة "حمورابي" نزل الدس باسم (Abusive) بعد "ابيو" نزل دس باسم (كلب مملكة باريز ) و "حمو" مردش و خلص البيف علي كدة
2 - بيف العفريت
بسبب ان كان في باتل متنظمة بين "ابيو" و "عفريت" و "عفريت" اتأخر بحجة انه كان مستني البيت بوكسر بتاعه يجي "ابيو" قرر بعد كدة انه ينزل اول دس باسم (فسا فسا) و "عفريت" رد بعد كدة بدس (يويو) و "ابيو" نزل بعد كدة دس (فسا فسا 2) و "عفريت" مردش تاني و خلص البيف علي كدة
3 - بيف دراجون هيل
البيف بدأ لما "دراجون" طلب من" ياسين زهران" رايه في دس (الضرب تحت الحزام) بعده رد" ياسين" بأن مرجع الدسات في مصر هو دس (فسا فسا) "لابيو" بعدها "دراجون" قلل من "ابيو" في الكومنت "فابيو" نكشه في تراك (فرو) بعده نزل دراجون بوست فيه نكش "لابيو" و دراجون بعد كدة نزل دس بعنوان (انتو ملكي) كان اغلبه علي" ابيو" بعد كدة "ابيو" رد بدس (اولويز بالاجنحه) بعد كدة رد دراجون بدس (اعراض انسحاب)بعد كدة رد "ابيو" بدس (دراجون هيلف) دراجون اتاخر جدا في الرد بس بعد شهر و نص من دس "ابيو" رد بدس (العلبة الذهبية) بعد كدة "ابيو" نزل تراك (افريكانو) وكان في نكش علي "دراجون" بعد كدة "ابيو" قال في بوست ان في دس هينزل بعنوان (الرقص علي القبور) بس منزلش و خلص البيف علي كدة بس كل الي سمعوا الدس قالوا ان الدس كان هينهي البيف لصالح ابيوسف و دس منزلش منه غير دقيقة و نص بس
4 - بيف أرسينِك
سبب البيف ان "أرسينِك" قال في تراك دراما (باشا مش بعتمد اسامي في مقارنة) "ابيو" عنده تراك ft "ابو الانوار" اسمه (باشا اعتمد) فقرر "ابيو" و "نور" ينزلوا اول دس في البيف باسم (البوريتو) و رد "أرسينِك" بعده بكام ساعه بدس (73) بعد كدة نزل "ابيو" و "نور" تاني دس باسم (الموريتو) بعد كدة رد "أرسينِك" بدس (74) مفيش دسات نزلت تاني بس في نكش بين الاتنين لحد دلوقتي
5 - بيف مروان موسى و عفروتو
بعد ألبوم (حبك برص) بكام يوم "ويجز" بدأ ينكش "مروان موسى" في كذا استوري و "مروان" رد عليه في استوري برضو لحد يوم 18 "مروان" قرر ينقل النكش من الاستوري للميك و نزل تراك (كله في السليم) كان رد علي ويجز و فيه نكش "لابيوسف" تاني يوم "ابيوسف" نزل استوري بينكش فيها "ويجز" و "مروان موسى" و قال ان هو هينزل تراك بعد ساعة المهم يعني "ابيوسف" نسي ينزل التراك و دخل ينام و "مروان موسى" هو الي نزل تراك (مش اوكيه) و هقول ان هو كان بيعاتب" ابيوسف" في التراك "ابيوسف" صحي من النوم و نزل تراك (ميجاترون) كان فيه نكش "لويجز" و" مروان موسى" بس مكنش دس مين بقي دخل في الموضوع ابن السيوف "عفروتو" نزل دس علي "ابيوسف" باسم (جو صعب) بعد كدة " ابيوسف" فاق و نزل دس (سيت) علي "مروان موسى" و "مفرش" "مروان موسى" متاخرش علطول نزل تاني دس ليه بأسم (ميجاترول) و "عفروتو" بردو نزل تاني دس ليه بأسم (بسكوت) "أبيوسف" رد عليهم بدس (إعصار كاترينا) رد "مروان موسى" بدس (دبدوب حساس) و"عفروتو" نزل دس (كيوبيد) "ابيوسف" رد عليهم بدس (مسلسل برمودا) و خلص البيف علي كدة
السنادي بقي البيف اتعاد تاني بس عفروتو خرج من الموضوع و دخل مكانه الجوكر
البيف بدأ بتراك (علي طول) "لابو الانوار" الي كان فيه نكش "لمروان" تاني يوم" مروان" نزل تراك "بيج مافيا" كان فيه نكش "لابو الانوار" و "ابيو" ليلة راس السنة "ابيو" نزل تراك (انا قولت سيت) و كان كله نكش "لمروان" بعد التراك بيوم ابيوسف تقريبا كان رافع حاجة و نازل نكش في السين كله في الاستورز يعني نكش مروان موسى و كريم الضبع و الجوكر و عفروتو ده حتي نكش السادات مروان موسى رد عليه باستوري و الجوكر رد عليه باستوري من بتوع 2010 كدة لما كان الرجل العناب تريند وقتها
و ابيو قال ان في تراك تاني هينزل كمان شويه المهم التراك نزل باسم (تاتا) ممكن نقول عليه زي تراك (ميجاترون) وقت البيف بتاع السنة الي فاتت فيه نكش بس مش دس
تاني يوم "مروان" نزل دس (سخنت جامد) "ابيو" رد عليه بدس (ترمومتر) نفس اليوم بليل أبو الانوار هو كمان دخل في البيف و نزل دس (العباسية) علي "مروان" خدنا break يومين و راح الجوكر هو كمان مشارك في البيف بدس (التالتة ممكن) تاني يوم "مروان" رد علي دس "ابو الانوار" بدس (إستدعاء ولي أمر) تاني يوم ابيوسف رد "الجوكر" بدس (كلم كنكة) "الجوكر" متتأخرش تاني يوم علي طول رد بدس (المراجعة النهائية)تاني يوم "ابيوسف" نزل علي تويتر ان الدس الجاي هيكون باسم (الرقص علي القبور 2) فاغلب الناس عرفت ان هو مش هينزل زي (الرقص على القبور 1) الي منزلش بعد كدة بكام ساعة "ابو الانوار "رد علي "مروان" بدس (الخانكة) و وقف البيف لحد كدة
ابيو لحد دلوقتي عمل 14 البوم هم (مذكرات حارس مرمى /ده مش راب / رعد /هايبر 1/هايبر 2/شتا ابن و/سمايلي فيس / دباديب /ياما في الجراب يا يوسف /واحد واحد /ماكينة/حبك برص/نيون/رأس شيطان)
ابيو بعد ما اثبت ان هو رابر قوي و بقي عنده فانز كتير بدأ يفكر ازاي يخلي ناس من برا الراب تسمعه فبدأ يشفهم عيزين يسمعوا ايه و يعمله بس بطريقته و هو ده الي عمله في تراك (واحد واحد) و بردو لما حب يخلي ناس من فانز المهرجانات تسمعه جاب عم شعبان عبد الرحيم و عمل تراك (انا مش هقدر حد) فيرس ابيو كله كان علي beat تراب و فيرس عم شعبان كان علي beat شعبي و ممكن نقول علي التراك ده انه اول تراك تراب شعبي في السين
كل ده طبعا غير الرابرز الكتير الي ابيوسف ساعدهم سواء بأنهم يعملوا تراك مع بعض او حتي بنصيحة منه زي (مروان موسى/ابو الانوار/ديسو/سانتا) و ناس تانيه كتير
(ملك الراب التافه) هل ابيوسف بيقدم راب ملوش معني ؟
هنا هنتكلم عن طريقة كتابت "ابيو" , "ابيو" قال في مقابلة قبل كدة ان هو اتعلم الكتابة بسبب شغله في مجال الاعلانات كان انهارده يكتب اعلان لشركة شيبسي الاعلان المفروض يكون فيه فرح بكرة هيكتب اعلان عن مستشفى هيكون فيه حزن ده ساعده في تكوين شخصيات كتير جوه مخ "الطاي" كل شخصية بتوصف الواقع بطريقة غير التانيه تراك زي (يتوغل يتسرب) تراك مفهوش فكرة رئيسة مجرد بارات روشه جمب بعد و تراك زي (عزرائيل) الي انا شايفة واحد من أعظم التراكات في تاريخ السين المصري "ابيو" استخدم كل حاجة ممكنة في الكتابة زي قوافي بكل انواعها و التشبيهات و الورد بلاي و كل ده في أعلى مستوى ليهم
المقالة بواسطة : محمد مختار